Kalanguya Proverbs

Matan Ambalanga

By: Donior Tidang

 

Hay mata ambalanga

Way hogat, ag to amta

Kamankilkil i olo

Tep linggayoh naitlo

Kadneng to, bakalen to

Igotot toy gait to

Mahaklob idan halaw

Hi-gada ngon mabalaw

Togon ni Panodon Onga

By: Timmomag

 

Ongayoy yo todoan

Ameg ni pampephedan

Hiyay an pan-indelan

Madonong nem maanglan

Kammon ag yo todoan

Amon ag yo pakanan.

Togon ni hi Adan

By: Sario Oliano

 

Tandaaniyon laki i maitol ni bii

Tep nangkorkororiti

Palla-bong ton laki.

Togon ni hi Eba

By: Sario Oliano

 

Tandaaniyon bii i makintih ni laki

Tep kahin-iitaki

Pangitaytay ton bii.

Togon ni Ingkalimak (Love Advise)

By: Sario Oliano

 

Pehed i han-ahawa

Ambanglo ngoy obi da

Anggan boki hida da

Nem bakal i amta da

Anggan ogob kanen mo

No hemek i ahin to

Anggan nabokbokian

Nem lawen mo e-doman.

 

Togon ni Ingkahlo

By: Sario Oliano & Wakit Pindog

 

Toon lawey ameg to

Tan nalgem i obla to

Andi gamigamid to

Nantaki-ki abong to

Hay mahlo ngo lan too

Hi-gato ngo li apo

Nem hay toon nangidloh

Bagaan alin aboh

Kammon man-og-ogip ka

Gandeta mabiteg ka

Nem no ombo-bowah ka

Kanen moy manhinobla.